"Рома" "Аякс"дан Девайн Ренсхни сотиб олди.
22 ёшли ўнг қанот ҳимоячиси "Аякс" академияси тарбияланувчиси ҳисобланади. У асосий жамоа ўйинчиси бўлгунга қадар клубнинг ёшлар жамоаларида ўйнаган ва барча мусобақаларда 100 дан ортиқ расмий ўйин ўтказган.
Ренсх Нидерландия терма жамоасида ҳам ўйнаган. Дебют 2021 йилнинг 7 сентябрида Туркияга қарши ўйинда бўлиб ўтган.
"Рома"да Девайн 2-рақамли либосда ўйнайди ва клуб тарихидаги саккизинчи нидерландиялик футболчига айланади.
Жорий мавсумда футболчи Нидерландия чемпионатида 14та ўйин ўтказиб, 1та гол урган.
