"Барселона" бу йил Рафинья Диаснинг келажаги борасида бир қарорга келади.
28 ёшли вингернинг клуб билан шартномаси 2027 йилгача мўлжалланган.
Mundo Deportivo нашри хабарига кўра, "Барселона" жорий мавсумни бразилиялик футболчининг келажагини ҳал қилишда муҳим деб ҳисобламоқда. Унинг натижаларига кўра, каталонияликлар футболчига янги шартнома таклиф қилиш ёки трансфер таклифларини кўриб чиқиш ҳақида қарор қабул қилади.
Футболчининг ўзи "кўк-анорранглилар" сафида қолишни истамоқда.
Ла Лиганинг жорий мавсумида Рафинья 20 та ўйин ўтказиб, 11 та гол урди ва 6 та голли узатмани амалга оширди.
