Альфонсо Дэвис келаси ҳафта "Бавария" билан янги шартнома имзолаши мумкин.
Мюнхен клуби вакиллари ва канадалик ҳимоячи келишувни узайтириш бўйича ишларни якунлашмоқда, деб хабар беради журналист Флориан Плеттенберг. Шартнома 2030 йилгача амал қилади.
"Бавария" душанба куни Дэвис билан янги шартнома имзолашни кўриб чиқмоқда. Спорт директори Макс Эберль келишувни имкон қадар тезроқ якунламоқчи.
Аввалроқ футболчининг маоши солиқларсиз йилига 15 миллион еврони ташкил қилиши мумкинлиги хабар қилинганди.
Альфонсо Бундеслиганинг жорий мавсумида 16 та ўйинда майдонга тушиб, 1 та гол урди ва 2 та голли узатмани амалга оширди.
