"Реал Мадрид" январдаги трансфер ойнасида ҳеч қандай шартнома имзолашни режалаштирмаяпти.

Матбуотда кўпдан бери тарқалган миш-мишларга кўра, "қироллик клуби" Трент Александр-Арнольдни қишда, "Ливерпуль" билан шартномаси тугашига олти ой қолганда сотиб олишни кўриб чиқаётган эди.

Журналист Хосе Феликс Диаснинг фикрича, инглиз ўнг қанот ҳимоячиси шу ойда "Реал"га ўтмайди. Испания гранди январь ойида ҳеч кимни жамоага таклиф қилмоқчи эмас.

Трент Александр-Арнольд "Ливерпуль" билан муддати тугайдиган шартномасини узайтира олмаса, ёзда "Реал"га текинга ўтиши мумкин.

Мавжуд маълумотларга кўра, "қизиллар" юлдузи "лос-бланкос" билан аллақачон келишувга эга.