"Real Madrid" yanvardagi transfer oynasida hech qanday shartnoma imzolashni rejalashtirmayapti.
Matbuotda ko‘pdan beri tarqalgan mish-mishlarga ko‘ra, "qirollik klubi" Trent Aleksandr-Arnoldni qishda, "Liverpul" bilan shartnomasi tugashiga olti oy qolganda sotib olishni ko‘rib chiqayotgan edi.
Jurnalist Xose Feliks Diasning fikricha, ingliz o‘ng qanot himoyachisi shu oyda "Real"ga o‘tmaydi. Ispaniya grandi yanvar oyida hech kimni jamoaga taklif qilmoqchi emas.
Trent Aleksandr-Arnold "Liverpul" bilan muddati tugaydigan shartnomasini uzaytira olmasa, yozda "Real"ga tekinga o‘tishi mumkin.
Mavjud ma’lumotlarga ko‘ra, "qizillar" yulduzi "los-blankos" bilan allaqachon kelishuvga ega.
