Узоқ вақт давомида "Барселона"да ўйнаган "Интер Майами"нинг чап қанот ҳимоячиси Жорди Альба Анхель ди Мариянинг ўйини унга ёқишини айтди.
"Ди Мария менга қарши курашда қийналган футболчилардан бири эди. У "Реал Мадрид"да ақл бовар қилмайдиган, фантастик ўйин кўрсатди. У ҳеч қачон тўхтамайди. У мендан бир ёш катта, лекин югуришда давом этмоқда", деди футболчи.
Анхель ди Мария ҳозирда "Бенфика"да ўйнайди. Аргентиналик футболчи февраль ойида 37 ёшини нишонлайди.













