Аурелио Де Лаурентис Алехандро Гарначонинг эҳтимолий трансфери ҳақида гапирди.
"Манчестер Юнайтед" вингери қишда "Наполи"га ўтиши мумкинлиги ҳақида хабарлар тарқалган эди. Қайд этилишича, неаполликлар футболчи учун 50-55 миллион евро таклиф қилишга тайёр, аммо манкунианликлар кўпроқ олишни хоҳлашади.
Италия клуби президенти мухлиснинг аргентиналик футболчининг трансфери ҳақидаги саволига жавоб берди.
"У 20 та гол уришига ким кафолат бера олади?" - деди Де Лаурентис.
Кейинроқ "Наполи" президент бу иборани айтганини рад этди.
Жорий мавсумда Гарначо АПЛда 21 та ўйин ўтказиб, 3 та гол урди ва 1 та голли узатмани амалга оширди.
