Премьер-лига клублари Жейми Гиттенсни қўлга киритиш учун "Бавария" билан курашмоқда.

"Ливерпуль", "Манчестер Юнайтед" ва "Челси" 20 ёшли вингернинг трансфери учун курашишга тайёр, деб ёзади «Bayern & Germany» «CaughtOfsside» нашрига таяниб.

Тахминларга кўра, "Боруссия" раҳбарияти "Бавария"ни кучайтирмаслик учун футболчини хорижга сотишни афзал кўради. "Бавария" ўз навбатида инглиз клублари билан рақобатга жиддий ёндашмоқда ва агар "Боруссия" келаси мавсумда Чемпионлар лигасига чиқа олмаса, Гиттенс сотилишига умид қилмоқда. Клуб уларга Премьер-лига жамоалари билан рақобат қилиш осон бўлмаслигини тушунади.

Маълумотларга кўра, дортмундликлар айни дамда футболчи учун 100 миллион евро товон пули олишга умид қилишмоқда.

Жейми жорий мавсумда Бундеслигада 18 та ўйин ўтказиб, 7 та гол урди ва 3 та голли узатмани амалга оширди.