Винисиус Неймарнинг Бразилияга қайтиши мумкинлиги ҳақида гапирди.
"Сантос" Неймарнинг қайтишини январь ойи охиригача эълон қилишни режалаштираётгани хабар қилинганди.
TNT Sports Brasil телеканалига берган интервьюсида Винисиус Неймарни "кумир" деб атади ва "у тезроқ уйига қайтишига" умид билдирди.
"Бразилия учун Неймардек футболчи бўлиши муҳим, айниқса унинг уйи бўлган "Сантос" учун. У, шубҳасиз, ўз ватанида яхши ўйнаган, кейин эса хорижда ўз номини тарихга ёзишга муваффақ бўлган бразилиялик футболчи. Умид қиламанки, у ўзи учун фойдали қарор қабул қилади ва у ва унинг бутун оиласи бахтли бўлади", - деди "Реал Мадрид" вингери.
