"Барселона" президенти шартномаси муддати тугайдиган футболчиларга кескин шартларни қўйди.

Жоан Лапорта шартномаси 2026 йилда тугайдиган ярим ҳимоячи Френки де Йонг билан вазиятга ечим излашда давом этмоқда. Айни пайтда у муддатни узайтиришга рози бўлмаган ва музокаралар боши берк кўчага кириб қолган.

Diario Sport хабарига кўра, агар яқин ойларда ҳеч қандай ўсиш кузатилмаса, жорий мавсум нидерландиялик футболчи Каталония клубида охирги марта ўйнаши мумкин.

Лапорта бу мавсумда шартномаси тугайдиган ҳеч бир футболчи келаси ёзда жамоа билан машғулотлар бошламаслигини аниқ айтди. У ўтишни истамайдиган "қизил чизиқ" борлиги таъкидланган.

Пабло Торре, Иньяки Пенья ва Эрик Гарсиянинг ҳам шартномалари 2026 йилда тугайди. Бироқ президент бу Френки мисолида бўлгани каби можароларга олиб келиши мумкинлигига ишонмайди.