Альфонсо Дэвис жароҳати туфайли 4-6 ҳафтани ўтказиб юбориши мумкин.
Чоршанба куни "Бавария" ҳимоячиси Чемпионлар лигаси доирасида "Фейеноорд"га (0:3) қарши ўйинни якунлай олмади. Ўйиннинг биринчи бўлими сўнггида футболчи майдонга ўтириб, чап оёғидан олган жароҳати сабаб ёрдамга муҳтожлигини билдирди.
Bild нашри хабарига кўра, Дэвис олган жароҳат аввал тахмин қилинганидан анча жиддийроқ. Илгари, масъул бўлганлар оптимистик бўлиб, мушак толаларида фақат кичик йиртилганини тахмин қилишганди. Футболчи 2 ҳафта майдонга туша олмаслиги ҳақида тахминлар бор эди.
Текширув соннинг орқа қисмидаги мушак толасининг ёрилишини тасдиқлади, аммо жароҳат жиддийроқ бўлиб чиқди. Якунда футболчи бир ой ёки бир ярим ойни ўтказиб юбориши аниқ бўлди.
