"Рома"нинг собиқ футболчиси ва бош мураббийи 41 ёшли Даниэле Де Росси катта футболдаги фаолиятини бошлаган "Остиамар" футбол клуби эгасига айланди.
Бу ҳақда Де Россининг ўзи "Инстаграм"даги саҳифасида маълум қилди.
"Мен "Остиамар" клубининг эгаси бўлганимни эълон қилишдан мамнунман. Менинг мақсадим - мустаҳкам, шаффоф ва инновацион клуб қуриш. Биз бу клубни одамларни бирлаштирадиган ва оилаларни ўз ҳудудига яқинлаштирадиган жойга айлантирмоқчимиз.
Бугун янги боб бошланади. Биргаликда биз фахрланадиган тарихни ёзишимиз мумкин" - деб ёзади Де Росси.
У 2000 йилгача "Остиамар" академиясида футбол ўйнаган, шундан сўнг у "Рома"га кўчиб ўтган ва у ерда деярли бутун профессионал фаолиятини ўтказган. "Остиамар" ҳозирда Италия футболининг тўртинчи дивизиони бўлган D Сериясида иштирок этади.
