"Бавария" ярим ҳимоячиси Йозуа Киммих фаолиятини қаерда давом эттирмоқчи эканлиги маълум бўлди. Журналист Керри Хаунинг ёзишича, 29 ёшли Киммих "Бавария" билан шартномасини узайтирмоқчи.
Манбанинг таъкидлашича, ҳозирда "Реал Мадрид" ёки "Ливерпул"га ўтиш даргумон, шунинг учун "Бавария" ярим ҳимоячининг келажагига умид боғлайди. Қайд этилишича, Киммих маошини қисқартириш ниятида эмас, шу боис томонлар ҳозирда "топ-контракт"ни муҳокама қилишмоқда.
Эслатиб ўтамиз, Киммихнинг "Бавария" билан амалдаги шартномаси шу ёзда якунига етади. Transfermarkt портали маълумотларига кўра, футболчининг нархи 50 миллион евро.
