"Интер" ва Канада терма жамоаси ўнг ҳимоячиси Тажон Бушанан ўйин амалиёти учун бошқа клубга ўтиши мумкин.
25 ёшли футболчи жорий мавсум "нерадзуррилар" сафида атиги 6 марта майдонга тушди. Вазиятни Канада терма жамоаси бош мураббийи Жесси Марш изоҳлади.
"Мен тўрт кун олдин Бушанан билан гаплашдим. У "Интер"дан ижарага кетмоқчи, клуб бунинг устида ишламоқда", - дея канадалик мураббийнинг сўзларини келтиради Footy Prime.
Тажон Бушанан ўтган йилнинг январь ойида Бельгиянинг "Брюгге" клубидан "Интер"га ўтган эди. Умуман олганда, футболчи Симоне Индзаги жамоасида 16 та ўйин ўтказиб, битта гол урган.













