"Манчестер Сити"ни "Милан"га алмаштирган ўнг қанот ҳимоячиси Кайл Уокер "шаҳарликлар" бош мураббийи Хосеп Гвардиолага мурожаат қилди.
Англиялик футболчи испаниялик мураббий қўл остида "Сити" сафида 319 та ўйин ўтказган. Футболчи 2017 йилда "Тоттенхэм"дан Манчестер грандига ўтган эди.
"Менга ишонгани ва 2017 йилда мен билан шартнома имзолаш учун кўп меҳнат қилгани учун Пеп Гвардиолага раҳмат. Биргаликда биз 17 та кубокни қўлга киритдик ва сизлар туфайли мен бугунги даражага чиқдим. Мен Пепдан бир умр миннатдорман", - деди 34 ёшли футболчи.













