Испания чемпонатининг 21-тури доирасида "Реал" сафарда «Вальядолид» клуби меҳмони бўлди. Мазкур учрашувда ҳужумчи Килиан Мбаппе ҳет-трик қайд этиб, ўйиннинг қаҳрамонига айланди.

Унинг биринчи голи 30-дақиқада Жуд Беллингемнинг аниқ пасидан сўнг урилди. Иккинчи голни 57-дақиқада киритган Мбаппе, ўйин сўнгида пенальтини аниқ амалга ошириб, ҳисобни йирик кўринишга олиб келди.  

Мазкур ғалаба «Реал» жамоасининг Ла Лигадаги етакчилигини янада мустаҳкамлади, «Вальядолид» эса охирги ўринда қолмоқда. Анчелотти жамоаси ўз очколарини 49 тага етказиб, 2-ўриндаги "Атлетико"дан 4 очко олдинга ўтиб кетди.

Испания чемпонати, 21-тур
Вальядолид – Реал Мадрид 0:3 (0:1, 0:2)
Голлар: 0:1 – 30 Мбаппе, 0:2 – 57 Мбаппе, 0:3 – 90+1, пенальти Мбаппе.
Вальядолид – Хейн, Лукас Роза, Торрес, Санчес, Перес, Амалла, Мартин, Ануар, Силла (Чуки, 86), Санчес (Кике Перес, 62), Маркос Андре (Латаса, 79).
Реал Мадрид – Куртуа, Фран Гарсия, Рюдигер, Тчуамени, Асенсио (Алаба, 68), Вальверде (Агуадо, 90+2), Себальос (Модрич, 68), Родриго (Гюлер, 73), Беллингем, Браим Диас, Мбаппе (Эндрик, 90+2).
Огоҳлантиришлар: Мартин (15), Амалла (45+2), Беллингем (45+2), Себальос (47), Мбаппе (55).
Четлатиш: Мартин (90).