"Наполи" ғалабали сериясини 7 та ўйинга етказди.
Антонио Конте шогирдлари Италия чемпионатининг 22-турида "Ювентус"дан устун келди – 2:1.
Партенопейликлар охирги марта 8 декабрь куни очко йўқотган, ўшанда "Лацио"дан мағлуб бўлган (0:1). Ўшандан бери улар "Удинезе" (3:1), "Женоа" (2:1), "Венеция" (1:0), "Фиорентина" (3:0), "Верона" (2:0) ва "Аталанта" (3:2) клубларини мағлуб этишди.
22 ўйиндан сўнг "Наполи" 53 очко билан А серияда пешқадамлик қилмоқда. "Интер" (47 очко, 20 ўйин) захирасидаги икки ўйинда ғалаба қозонса, "Наполи"га етиб олади.
"Ювентус" барча мусобақаларда ўтказган сўнгги етти учрашувнинг фақат биттасида ғалаба қозонган, иккитасида мағлуб бўлган ва тўртта дуранг қайд этган.
