Нидерландиянинг ПСВ жамоасида тўп тепаётган бельгиялик ҳужумчи Жоан Бакайокога трансфер бозорида талаб катта. Бу ҳақда ижтимоий тармоқлар орқали инсайдер Патрик Бергер хабар берди.
Журналистнинг ёзишича, 21 ёшли футболчи билан Германия Бундеслигасининг бир нечта клублари қизиқиш билдирмоқда. Бакайоко учун "Байер", "Боруссия Дортмунд" ва "РБ Лейпциг" кураш олиб боради. Жоаннинг трансфер нархи 25-30 миллион еврони ташкил қилиши мумкин.
Жорий мавсумда ҳужумчи 26та ўйинда иштирок этган. Бакайоко еттита гол урди ва учта голли узатмани амалга оширди.
