"Реал" президенти Флорентино Перес бразилиялик ҳужумчи Винисиус Жуниор борасидаги режалари ҳақида бир қарорга келди. «Sport.es» журналистларига маълум бўлишича, клуб раҳбарияти 2027 йилгача ҳужумчининг трансфери бўйича музокаралар олиб бориш ниятида эмас.
Саудия клублари бразилиялик учун 350 миллион евро таклиф қилишга тайёр экани аввалроқ хабар қилинганди.
Перес юлдузни "Реал"да сақлаб қолмоқчи. У мавсум охирида Винисиусга янги шартнома таклиф қилади. Шартнома 2029 йилгача амал қилади. Жуниорнинг ўзи Мадридда қолишга қарши эмас.













