"Барселона" футболчиларнинг шартномалари ҳақидаги маълумотларни чоп этишга ёндашувини ўзгартирди.
«Mundo Deportivo» нашрининг қайд этишича, каталонияликлар энди кенг жамоатчиликни товон пули миқдори ҳақида хабардор қилмасликка қарор қилишган. Буни 2031 йилгача шартнома имзолаган Рональд Араухо мисолида ҳам кўрсатиб бўлди. Уругвайлик футболчини ёзда 65 миллион еврога сотиб олиш мумкинлигини фақат матбуотдан билиш мумкин эди, бу ҳақда ҳеч қандай расмий эълон йўқ.
"Барселона" бошқа клубларга, айниқса рақибларга ортиқча маълумот бермаслик керак деб ҳисоблайди. Агар кимдир аниқ маълумот олишни истаса, у "кўк-анорранглилар" билан боғланиши керак.
