"Тоттенхэм" бош мураббийи Анге Постекоглу АПЛнинг 23-турида "Лестер"дан учралган мағлубиятдан кейин истеъфога чиқмоқчи эмаслигини айтди.
"Клубда ишлашни давом эттиришим керакми? Кўпчилик йўқ дейишади. Катта футбол клубининг менежери бўлганингизда, ўзингизни заиф ва ёлғиз ҳис қилишингиз мумкин, лекин мен буни ҳис қилмайман", - дея мутахассиснинг сўзларини келтиради Sky Sports.
Бу мағлубият “Тоттенхэм” учун “Арсенал” ва “Эвертон”га қарши ўйинлардаги муваффақиятсизликлардан сўнг АПЛдаги қаторасига учинчиси бўлди. "Лестер" эса сўнгги 9 учрашувда илк ғалабани қўлга киритди.
