"Фенербахче" ўзининг расмий сайти орқали "Ан-Наср" форварди борасидаги келишувни эълон қилди. Албатта, Истанбул клубининг кўплаб мухлислари Криштиану Роналдуни жамоада кўришни хоҳлашади, аммо "Ан-Наср"нинг бошқа бир ҳужумчиси - Андерсон Талиска клуб сафига ўтди.

Талисканинг трансфери ҳали тўлиқ якунлангани йўқ. "Фенербахче" риёдликлар билан келишувга эришганини ва 30 ёшли бразилиялик тиббий кўрикдан ўтиш ва шартномани муҳокама қилиш учун Истанбулга келишини эълон қилди.

"Фенербахче" бош мураббийи ҳозирда Жозе Моуриньо. Жамоа Туркия чемпионати жадвалида иккинчи ўринда бормоқда.