Машҳур собиқ футболчи ва мураббий Роберто ди Маттео Федерико Кьезанинг "Ливерпул"даги ўрни ҳақидаги фикрлари билан ўртоқлашди.
"Қизиллар" италиялик вингерни жорий мавсум бошида "Ювентус"дан сотиб олганди, бироқ футболчи тез-тез жароҳатлар ва рақобат туфайли камдан-кам майдонга тушди.
Ди Маттеонинг айтишича, унинг ҳамюрти қийинчиликларга қарамай "Ливерпул"га фойдали бўлади.
"Ўйлайманки, Кьеза мавсумнинг иккинчи ярмида фойда келтиради. У аллақачон яхшироқ кўринади, у яқинда бир нечта ўйин ўтказди.
Федерико формада бўлганида ажойиб ўйинчига айланади", - деди "Челси" собиқ бош мураббийи.
