"Арсенал" бош мураббийи Микель Артета Чемпионлар лигасининг янги формати ҳақида фикр билдирди. Испаниялик мутахассиснинг фикрича, бу формат билан мураббийлар штаби кўпроқ ишлаши керак.
"Биринчи навбатда, бизда кўпроқ иш бор. Илгари бу босқичда бир жамоа билан икки марта учрашганмиз. Рақиблар кўпайиб бораётганлиги сабабли уларни ўрганишга кўпроқ вақт сарфлашимиз керак эди.
Ушбу босқични қандай ўтказганимиздан мамнунмиз. Олдинда ҳали "Жирона"га қарши муҳим ўйин бор, лекин умуман олганда биз хурсандмиз. Умид қиламизки, 1/8 финалга чиқамиз", - дея Артета сўзларини келтиради Mundo Deportivo.
