"Манчестер Сити" ҳимоячиси Йошко Гвардиол "Брюгге"га қарши ўйин олдидан ЕЧЛ формати ҳақида фикр билдирди.
"Манчестер Сити" ҳимоячиси Йошко Гвардиол Чемпионлар лигасининг гуруҳ босқичи ўрнига ягона лига ўтказилган ҳозирги формати ҳақида гапирди.
"Менимча, менга эски формат кўпроқ ёқарди. Айтишим мумкинки, бу формат ҳам жуда яхши. Сиз тўртта ўйинни уйда ва тўртта ўйинни меҳмонда ўтказасиз. Ўйлайманки, улар бу форматни сақлаб қолишади, шунинг учун биз бунга кўникишимиз керак. Лекин менинг фикримни сўрасангиз, мен эски форматни афзал кўраман. У ерда учта рақиб билан иккита ўйин ўтказардик ва тайёргарлик кўриш осонроқ бўларди", деди Гвардиол журналистларга.
