"Арсенал" Майлз Льюис-Скеллининг қизил карточкаси учун апелляция берди.

Ярим ҳимоячи АПЛнинг 23-туридан ўрин олган "Вулверхэмптон"га (1:0) қарши ўйинда майдондан четлатилган эди. Льюис-Скелли қарши ҳужумни тўхтатмоқчи бўлиб, Мэтт Доэртига қўполлик билан ҳаракат қилди ва ҳимоячини майдонга йиқитди. Учрашув бош ҳаками Майкл Оливер 18 ёшли футболчига тўғридан-тўғри қизил карточка кўрсатди.

Ҳакамлар ҳайъати ҳакамнинг майдонда қабул қилинган қарорини ва кейинги ВАР текшируви натижасини тасдиқлади.

BBC нашри хабарига кўра, "Арсенал" Льюис-Скеллининг қизил карточкасига қарши чиқди. Агар апелляция қаноатлантирилмаса, футболчи учта ўйинни ўтказиб юборади - АПЛ доирасидаги "Манчестер Сити" ва "Лестер" ва Англия Лига кубоги ярим финали доирасида "Ньюкасл"га қарши жавоб ўйинини.