Европа чемпионлари лигаси гуруҳ босқичининг 8-тур доирасида "Жирона" ўз майдонида Лондоннинг "Арсенал" клубини қабул қилади.
Мезбонлар устози Мишел ўйиндан олдин ташкил этилган матбуот анжуманида иштирок этди.
"Бу Чемпионлар лигаси ўйини ва биз ғалаба қозонишни истаймиз. Биз ўтган мавсумда ушбу турнирда иштирок этиш ҳуқуқини қўлга киритдик ва бу ютуқни нишонламоқчимиз. Қолаверса, ғалаба қозонсак, келаси мавсумда Испаниянинг бешта клуби Чемпионлар лигасида иштирок этишига ҳисса қўшишимиз мумкин" - деди Мишел.