Хавьер Тебас "Барселона" футболчиларига нисбатан ирқчилик ҳақида гапирди.
Эслатиб ўтамиз, 26 октябрь куни "Сантьяго Бернабеу"да бўлиб ўтган "Реал" ва "Барселона" учрашувида (0:4) баъзи томошабинлар Ламин Ямални ҳақорат қилишган, шунингдек, Каталония клубининг бошқа баъзи футболчиларини ҳақорат қилган эди. Ўшанда "Реал Мадрид"нинг уч нафар мухлиси, жумладан, битта вояга етмаган бола ҳибсга олинган.
"Барселона" - "Хетафе" учрашувида (1:1) Алекс Бальде ирқчиликка дучор бўлди - ўйиндан кейин у бу ҳақда ҳакамга хабар берганини айтди.
“Ламин Ямал билан бўлган воқеа "Эл-Класико"да содир бўлган. Ҳақоратларни айтган тўрт киши "Реал Мадрид" томонидан аниқланди ва тақиқланди. Биз аллақачон уларни судлаш учун дастлабки тергов ишларини олиб бораяпмиз, бундан ортиқ иш қилолмаймиз.
Биз Бальде воқеаси ҳақида фақат ундан эшитдик - нима бўлганини аниқлашимиз керак. Шундай ўйинлар борки, биз кўпроқ эшитиш ва кузатиб бориш учун микрофонлар овозини кучайтирамиз, биз жуда эҳтиёткормиз" - деди Ла Лига президенти.
