Иньиго Мартинес "Барселона" билан шартномасини узайтиради.
Mundo Deportivo нашрининг хабар беришича, ҳимоячи шу ҳафтада 2026 йилнинг июнь ойи охиригача янги шартнома имзолайди.
Қайд этилишича, Иньиго жорий мавсумдаги ўйинларнинг 60 фоизида ўйнаган бўлса, шартнома автоматик равишда узайтирилиши керак эди. Бироқ, "Барселона" раҳбарияти ушбу банднинг фаоллашишини кутмасдан, шартномани узайтиришга қарор қилди - клуб ҳимоячи кейинги мавсумда ҳам жамоага ёрдам беришга қодир, деб ҳисобламоқда.
Иньиго айни дамда Испания Суперкубоги финалида "Реал"га қарши ўйинда тиззасидан олган жароҳатидан фориғ бўлмоқда. 33 ёшли испаниялик футболчи Ла Лиганинг жорий мавсумида 18 та ўйин ўтказди.