Антонио Кассано мураббийини алмаштирган "Милан"даги вазият ҳақида гапирди. Унинг фикрича, аввалги мураббий Пауло Фонсека даврида ўйинда кўпроқ маъно бор эди.
"Фонсекани таклиф қилиш орқали "Милан" юқори савияли мураббийга эга бўлди, деб ўйладим. Аммо матбуот, қолаверса, клуб футболчиларининг ўзлари ҳам уни лойга белашди. Сифатли футбол ўйнашга уринишларни, ҳужумкор футболни кўрдим. Консейсау қўл остида бу футбол эмас, ахлатхона", деди Кассано.
Айни дамда “Милан” Италия А Серияси турнир жадвалида 7-ўринни эгаллаб турибди.
