Тибо Куртуа "Реал"ни Чемпионлар лигаси фаворитларидан бири деб ҳисоблайди.
Чоршанба куни мадридликлар Чемпионлар лигаси умумий босқичининг сўнгги турида "Брест"га қарши ўйнайди. Жамоа 13 очко билан 16-ўринда бормоқда.
"Мувозанатни топиш учун кўп нарсаларни ҳисобга олиш керак. Аммо бир неча ўйинда мағлуб бўлсак ҳам, биз ҳар томонлама тетикмиз ва Европанинг энг кучли жамоаларини мағлуб этишга қодир эканлигимизга ишонамиз.
Кучли саккизликка кириш қийин бўлади, аммо бизда ҳали ўйин бор. Чемпионлар лигаси қийин турнир ва шубҳаларга қарамай, биз энди фаворит эмасмиз деб ўйламайман", - деди "Реал" дарвозабони.