Франциянинг “Пари Сен-Жермен” клуби бош мураббийи Луис Энрике грузиялик вингер Хвича Кварацхелия трансферидан сўнг жамоадаги юқори рақобат ҳақида гапирди.
“Биз жамоамизнинг қадамма-қадам олға боришини истаймиз. Биз кўпроқ имкониятлар ва ресурсларга эга бўлишни хоҳлаймиз.
Соғлом жамоа учун рақобат керак, чунки "ПСЖ" бундан ҳам яхшироқ ўйнай олади. Мени клуб спорт раҳбарияти, ходимлари ва жамоаси қўллаб-қувватламоқда.
Ўтган йилдан бери энг яхши жамоани яратиш мақсад қилиб қўйилган», - дея Энрикенинг сўзларини келтиради парижликлар матбуот хизмати.
