Европа чемпионлари лигаси гуруҳ босқичининг 8-тур доирасида Загребнинг "Динамо" жамоаси ўз майдонида "Милан"ни қабул қилади.
"Динамо" устози Фабио Каннаваро ўйиндан олдин ташкил этилган матбуот анжуманида иштирок этди.
"Чемпионлар лигаси қўшимча мотивация, айниқса "Милан" каби жамоага қарши ўйнаганингизда. Бу менинг футболчиларим учун муҳим оқшом. Биз диққатни жамлаган, ўткир ва чидашга тайёр бўлишимиз керак. Бизда ҳам гол уриш учун бир нечта вазиятлар бўлади ва улардан фойдаланишимиз керак" - деди "Динамо" (З) устози Фабио Каннаваро УЕФА расмий сайтига.