Европа чемпионлари лигаси гуруҳ босқичининг 8-тур доирасида Загребнинг "Динамо" жамоаси ўз майдонида "Милан"ни қабул қилади.
"Милан" устози Сержиу Консейсау ўйиндан олдин ташкил этилган матбуот анжуманида иштирок этди.
"Ўйинимизнинг кўп жиҳатлари борки, мен уларни яхшилаш ниятидаман. Баъзида биз яхши ҳаракат қиламиз, баъзида унчалик эмас. Баъзида биз қарши ҳужумлардан қийналиб, мувозанатни сақлай олмаймиз, тўпни тўғри узатмаяпмиз. Чемпионлар лигасида ғалаба қозониш ҳақида ўйлаяпманми? Агар биз ўз олдимизга шундай узоқ мақсадлар қўйсак, олдимизда турган муаммоларни сезмай қолиш ва йиқилиш хавфимиз пайдо бўлади" - деди "Милан" устози Сержиу Консейсау УЕФА расмий сайтига.