"Ал-Ҳилол" "Ливерпуль" ҳужумчиси Муҳаммад Салоҳни ўз сафига қўшиб олмоқчи, дея хабар беради «The Telegraph».

Манбага кўра, Саудия клуби Неймар билан шартномани бекор қилганидан сўнг, "Ал-Ҳилол" шу ёзда Муҳаммадни қўлга киритиш учун фаворит ҳисобланади.

Клублар ўртасидаги жаҳон чемпионати бошланишидан олдин, трансфер ойнаси 1-10 июнь кунлари давом этиши кутилаётган бўлса, "Ал Ҳилол" 14 июндан июлгача давом этадиган турнирда Салоҳ ёки бошқа футболчини ўз сафига қўшиб олиш имкониятига эга бўлади.

Аввалроқ Саудия клуби футболчини ёзда эркин агент мақомида қўлга киритмоқчи, агар у АПЛ клуби билан шартномасини узайтирмаса, унга 2028 йилгача мўлжалланган фойдали молиявий шартнома таклиф қилиниши ҳақида маълумотлар пайдо бўлганди.