Австриялик ҳимоячи бир йилдан кўпроқ вақт давом этган жиддий тиззасидан олган жароҳатидан фориғ бўлгач, сафга қайтди.

TodoFichajes хабарига кўра, "Реал" Алаба билан шартномани узайтиришга қарор қилган. Футболчи 2027 йилнинг ўрталарига қадар амал қиладиган ва уни яна бир мавсумга узайтириш вариантини ўз ичига олган меҳнат шартномасини имзолаши кутилмоқда.

32 ёшли Алабанинг амалдаги шартномаси "Реал" билан 2026 йилнинг ўрталарига қадар мўлжалланган. Умуман олганда, австриялик футболчи Мадрид клуби сафида 105 та ўйин ўтказиб, 5 та гол урди ва жамоадошларига 9 та голли узатмани амалга оширди.