"Манчестер Сити"нинг ҳужумкор ярим ҳимоячиси Фил Фоден нега ўтган йилги Европа чемпионатида ёмон ўйнаганини тушунтирди.
Футболчининг сўзларига кўра, у Гарет Саутгейт қўйган позицияда ўзини ноқулай ҳис қилган.
"Ўзимни орзу қилган нарсамга эриша олмаганим учун ҳафсалам пир бўлди. Менга қўйилган чапдаги позиция ўйинга таъсир қилиш қийин эди. Ўтган мавсум марказда ўйнадим ва чап қанотда ўйнашга кўникишим қийин кечди. Мен ўз салоҳиятимизга тўлиқ эришаётганимизни ҳис қилмадим", - деди Фоден Manchester Evening News билан суҳбатда.
Турнир давомидаги муаммоларга қарамай, Англия терма жамоаси Евро-2024 финалига чиқди ва Испанияга 1:2 ҳисобида имкониятни бой берди.