"Ливерпуль" афсонаси Стивен Жеррард тез орада ишидан айрилиши мумкин. Transfer News Live нашри хабарига кўра, Жеррард "Ал-Иттифоқ" бош мураббийи лавозимидан четлатилиши хавфи остида.
"Ал-Иттифоқ"нинг Саудия Арабистони чемпионатидаги сўнгги 14 ўйинини оладиган бўлсак, жамоа бор-йўғи иккита ғалабани қўлга киритди. Жеррард шогирдлари айни дамда Про-лига турнир жадвалида 12-ўринда бормоқда.
Стивен Жеррард 2023 йилнинг ёзидан буён "Ал-Иттифоқ"ни бошқариб келмоқда. Жеррард бошқарувидаги 55 ўйинда 19 ғалаба, 16 дуранг ва 20 мағлубият қайд этилган.