Киевнинг "Динамо" клуби ва Украина терма жамоаси дарвозабони Георгий Бушан клубини алмаштирди. Дарвозабон 30 ёшида Саудия Арабистонига йўл олди, энди у "Аш-Шабаб"да ўйнайди.
Transfermarkt портали хабарига кўра, Киев клуби ўз дарвозабони учун 3 миллион евро олган. Шартнома икки ярим йилга тузилган. Жорий мавсумда дарвозабон “Динамо” сафида барча турнирларда 27 та ўйинда майдонга тушиб, ўз дарвозасидан 30 та гол ўтказиб юборди.
"Аш-Шабаб" айни дамда Саудия Арабистони миллий чемпионатида олтинчи ўринда бормоқда. Клуб ҳисобида 29 очко бор ва кучли учликдан 8 очко ортда қолмоқда.
