УEФА Чемпионлар лигаси умумий босқичининг сўнгги турида Мадриднинг "Реал" клуби сафарда Франциянинг "Брест" жамоасини ишончли тарзда енгди. “Қаймоқранглилар” 3:0 ҳисобида йирик ғалабани тантана қилишди.
"Қироллик" клуби матбуот хизмати хабарига кўра, жамоа бош мураббийи Карло Анчелотти Чемпионлар лигасида ўтказилган ўйинлар сони бўйича мураббийлик рекордини такрорлади. Италиялик еврокубокларда 71 та ўйин ўтказган. Худди шу миқдордаги ўйинни "Реал"нинг собиқ бош мураббийи Мигель Муньос ўтказган.
“Реал” умумий рейтингни 11-ўринда якунлади. Мадридликлар плей-офф босқичида 1/8 финал йўлланмаси учун курашади.