ЕЧЛ гуруҳ босқичининг 8-турида "Боруссия" (Д) ўз майдонида "Шахтёр" жамоасини қабул қилди. Беллашувда 3:1 ҳисоби қайд этилди.
Ўйиндан кейин ташкил этилган матбуот анжуманида "Боруссия" ҳужумчиси Серу Гирасси ўз фикрларини билдирди.
"Бу яхши натижа. Икки голимдан ва улар жамоага ғалаба қозонишда ёрдам берганидан хурсандман. Бу мавсумда (Чемпионлар лигасида) тўққизта голим бор, шунинг учун мен жуда хурсандман. Лекин энди бор эътиборимизни плей-оффга қаратишимиз керак" - деди Серу Гирасси УЕФА расмий сайтига.