"Барселона" ярим ҳимоячиси Дани Ольмо Испания чемпионатининг навбатдаги турида жамоасига ёрдам бера олмайди. Бу ҳақда таниқли журналист Хави Мигель хабар берди.
Манбага кўра, Ольмо ҳали ҳам асосий гуруҳ билан машғулот ўтказмаяпти, шу боис "Алавес"га қарши ўйинда иштирок этмаслиги эҳтимоли юқори. Испаниялик ярим ҳимоячи ушбу ўйинда сафга қайтиши кутилаётгани аввалроқ хабар қилинганди.
Испания Ла лигасининг 22-туридан ўрин олган "Барселона" - "Алавес" учрашуви 2 февраль куни бўлиб ўтади. Ўйин Тошкент вақти билан соат 18:00да бошланиши режалаштирилган.