"Barselona" yarim himoyachisi Dani Olmo Ispaniya chempionatining navbatdagi turida jamoasiga yordam bera olmaydi. Bu haqda taniqli jurnalist Xavi Migel xabar berdi.

Manbaga ko‘ra, Olmo hali ham asosiy guruh bilan mashg‘ulot o‘tkazmayapti, shu bois "Alaves"ga qarshi o‘yinda ishtirok etmasligi ehtimoli yuqori. Ispaniyalik yarim himoyachi ushbu o‘yinda safga qaytishi kutilayotgani avvalroq xabar qilingandi.

Ispaniya La ligasining 22-turidan o‘rin olgan "Barselona" - "Alaves" uchrashuvi 2 fevral kuni bo‘lib o‘tadi. O‘yin Toshkent vaqti bilan soat 18:00da boshlanishi rejalashtirilgan.