"Лечче"нинг 20 ёшли вингери Патрик Доргу фаолиятини "Манчестер Юнайтед"да давом эттиради. Бу ҳақда нуфузли инсайдер Фабрицио Романо хабар берди.
Манбага кўра, футболчининг тиббий кўрикдан ўтиши тез орада бўлиб ўтиши керак, бироқ ҳужжатлардаги кичик муаммолар туфайли у ҳафта охиригача қолдирилган. Таъкидланишича, трансфер барча томонлар томонидан тўлиқ келишилган.
Аввалроқ Доргунинг хариди "Манчестер Юнайтед"га тахминан 35 миллион еврога тушиши хабар қилинганди.