“Манчестер Юнайтед” Европа лигасининг умумий босқичини мағлубиятсиз ўтказди. “Қизил иблислар” учинчи ўринни эгаллаб, 1/8 финалга йўл олди.
Сўнгги тур учрашувида Рубен Аморим шогирдлари Руминиянинг ФКСБ жамоасини мағлуб этишди (2:0).
Шу тариқа, инглиз гранди турнирда бирорта ҳам мағлубият аламини тотиб кўрмаган ягона жамоа бўлиб қолди.
"Манкунианликлар" ҳисобида 18 очко бор, бешта ғалаба ва учта дуранг. "Манчестер Юнайтед"нинг 1/8 финалдаги рақиблари "Реал Сосьедад", "Галатасарой", "АЗ" ёки "Мидтюлланд" бўлиши мумкин. Босқичнинг дастлабки ўйинлари 6-март куни, жавоб ўйинлари бир ҳафтадан кейин бўлиб ўтади.