Эмилио Бутрагеньо Чемпионлар лигаси қуръа ташлаш маросими ҳақида гапирди.
Мадриднинг "Реал" клуби турнирнинг плей-офф босқичида "Манчестер Сити"га қарши баҳс олиб боради.
"Сити" билан яна учрашамиз. Биз бир-биримизни жуда яхши биламиз, уларнинг имкониятларини биламиз ва иккита фантастик ва тенг даражада кучли ўйин кутмоқдамиз.
Бу ерда ҳамма нарсани кичик деталлар ҳал қилади. 1/8 финалга чиқишга умид қиламиз. Иккинчи ўйинни "Бернабеу"да ўтказиш - бу афзаллик. Бизга максимал концентрация керак.
Биз футболчиларимизга ишонамиз. Жамоа яхши ҳолатда, баъзи футболчилар жароҳатидан фориғ бўлишга яқин. Бизга ҳамма керак бўлади", деди "Реал Мадрид" директори Эмилио Бутрагеньо.
