"Милан" Сержиу Консейсауни ишдан бўшатиши мумкин.

Чемпионлар лигасида Загребнинг "Динамо"сидан мағлубият (1:2) "Милан"ни "инқироз"га қайтарди, деб хабар берди Milanpress Tuttosport'га таяниб.

Португалиялик мутахассиснинг ҳолати ҳозирда "сўроқ остида."

Сержиу Консейсау натижалар туфайли эмас, балки жамоа атрофидаги салбий ва кескин муҳит туфайли истеъфога чиқарилиши мумкин. Можаро ҳақидаги маълумотни Repubblica ҳам тасдиқлади.

Мураббийнинг қатъийлиги футболчиларнинг диққатини кучайтирди, аммо жамоани унга қарши қилиб қўйди. Бунинг натижасида Альваро Мората мураббий билан ўзаро келишувга эриша олмагани учун клубни тарк этади, бунгача эса мутахассис Давид Калабрия билан жанжаллашиб қолган.

Консейсау мавсум ўртасида Паулу Фонсека ўрнига "Милан"ни қабул қилиб олганди.

Португалиялик қўл остида "россонерилар" Италия Суперкубогида ғолиб чиқди, 8 та ўйин ўтказди, уларда 5 та ғалаба, 2 та мағлубият ва 1 та дуранг қайд этилди.