Франсис Коклен "Нант" билан 2025 йилнинг 30 июнига қадар шартнома имзолади.
33 ёшли ярим ҳимоячи 2008 йилдан буён "Арсенал"да ўйнаб келаётганди. У ўзининг илк йилларини "Лорьян", "Фрайбург" ва "Чарлтон" клубларида ижарада ўтказди, бироқ 2015 йилнинг январидан бери "канонирлар" сафида мунтазам ўйнаб келаётганди ва клуб сафида 160 та ўйинда майдонга тушди.
2018 йилнинг январида Коклен "Валенсия"га кўчиб ўтди ва 2020 йилнинг августида "Вильярреал" футболчисига айланди ва у ерда 2021 йилги Европа лигасида ғолиб чиқди. Испания клуби ўтган ёзда Коклен билан шартномани узайтирмаганди.
"У бизга кўп фойда келтирадиган тажрибали футболчи. У таянч ярим ҳимоячи сифатида ҳам, "саккизлик"да ҳам ўйнай олади.
У курашда жуда кучли ва тўпни олдинга силжита олади. Унинг мавжудлиги ярим ҳимоямизга мувозанат қўшади" - деди "Нант" бош мураббийи Антуан Комбуаре.
