"Брайтон" "Дерби Каунти" марказий ҳимоячиси Эйран Кэшин учун 9 миллион фунт сарфлади.
BBC нашри хабарига кўра, "Брайтон" узоқ вақтдан бери Кэшинни кузатиб юрган ва ўтган ёзда Эйранни сотиб олишга яқин келган.
Энди 23 ёшли ирландиялик футболчи ниҳоят "чакайлар" сафига қўшилди ва 2030 йилгача шартнома имзолади.
Кэшин "Дерби Каунти" академияси тарбияланувчиси бўлиб, 2021 йилда дебют қилганидан бери 144 та ўйинда майдонга тушди. Эйран ўтган мавсумда "қўчқорлар"га Биринчи Лигадан Чемпионшипга чиқишга ёрдам берди.
"У чемпионатда катта тажрибага эга, яхши профилга эга ва чап оёқли ҳимоячи, у бизга ҳимояда яна бир кучли вариантни тақдим этади" - деди "Брайтон" бош мураббийи Фабиан Хюрцелер.
