"Манчестер Сити" бош мураббийи Пеп Гвардиола "Интер Майами" ярим ҳимоячиси Серхио Бускетснинг трансфери ҳақидаги саволга жавоб берди.
"Шаҳарликлар" жароҳат олган Родрининг ўрнига ўринбосар топа олмади, шу боис Гвардиола қўл остида "Барселона"да гуллаган 36 ёшли Бускетснинг келиши ҳақида миш-мишлар тарқалди.
"У Майамида жуда бахтли! У ерда об-ҳаво қандайлигини биласизми? У жуда мамнун. Мен Серхио билан кўп марта гаплашганман, лекин у бизга қўшилиши ҳақида эмас.
Бизда бир хил агент бор, биз кўп йиллардан бери алоқадамиз", - дея испаниялик мураббийнинг сўзларини келтиради City Xtra.
